ಧಾರವಾಡ ಲೋಕಸಭಾ ಕ್ಷೇತ್ರ. ಹಿಂದುಳಿದ ವರ್ಗವನ್ನು ಹೊರತು ಪಡಿಸಿ ಕಾಂಗ್ರೇಸ್ಸಿನಿಂದ ಸ್ಪರ್ಧಿಸಿದ್ದವರು ಈ ಕ್ಷೇತ್ರದಲ್ಲಿ ಸೋಲು ಕಂಡಿದ್ದಾರೆ.

ಧಾರವಾಡ ಲೋಕಸಭಾ ಟಿಕೇಟಗಾಗಿ ಕಾಂಗ್ರೇಸ್ ಪಾಳಯದಲ್ಲಿ ಲಾಬಿ ಶುರುವಾಗಿದೆ. ಲಿಂಗಾಯತ ನಾಯಕರ ಒಂದು ತಂಡ ಲಿಂಗಾಯತ ಲಾಬಿ ನಡೆಸಿದೆ.

ಮಾಜಿ ವಿಧಾನ ಪರಿಷತ್ ಸದಸ್ಯ ಮೋಹನ ಲಿಂಬಿಕಾಯಿ ಪ್ರಭಲ ಅಕಾಂಕ್ಷಿಯಾಗಿದ್ದಾರೆ. ಬಿಜೆಪಿ ಬಿಟ್ಟು ಕಾಂಗ್ರೇಸ್ ಸೇರಿರುವ ಲಿಂಬಿಕಾಯಿ, ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಹುಬ್ಬಳ್ಳಿ ಧಾರವಾಡ ಪಶ್ಚಿಮ ಕ್ಷೇತ್ರದಿಂದ ಸ್ಪರ್ಧಿಸಲು ಟಿಕೇಟ ಕೇಳಿದ್ದರು.

ಅದು ಸಾಧ್ಯವಾಗದೆ ಇದ್ದಾಗ ಇದೀಗ ಲೋಕಸಭಾ ಟಿಕೇಟಗಾಗಿ ಪಟ್ಟು ಹಿಡಿದಿದ್ದಾರೆ ಎನ್ನಲಾಗಿದೆ. ಮಾಜಿ ಸಚಿವ ವಿನಯ ಕುಲಕರ್ಣಿ ಸೇರಿದಂತೆ ಹಲವು ನಾಯಕರು ಮೋಹನ ಲಿಂಬಿಕಾಯಿ ಪರ ಹೈಕಮಾಂಡಗೆ ಒತ್ತಡ ಹಾಕಿದ್ದಾರೆ ಎನ್ನಲಾಗಿದೆ.

ಈ ಕ್ಷೇತ್ರದಲ್ಲಿ ಕಾಂಗ್ರೇಸ್ಸಿನ ಗೆಲುವಿನ ಇತಿಹಾಸ ನೋಡಿದಾಗ, ಹಿಂದುಳಿದ ವರ್ಗದವರು ಕಾಂಗ್ರೇಸ್ಸಿನಿಂದ ಸ್ಪರ್ಧಿಸಿದಾಗ ಗೆಲವು ಕಂಡಿದ್ದಾರೆ. 

ಧಾರವಾಡ ಕ್ಷೇತ್ರದಲ್ಲಿ ನಾಲ್ಕು ಬಾರಿ ಸಂಸದರಾಗಿ ಆಯ್ಕೆಯಾಗಿದ್ದ ದಿವಂಗತ ಡಿ ಕೆ ನಾಯ್ಕರ, ಕಾಂಗ್ರೇಸ್ಸಿನ ಕೊನೆಯ ಸಂಸದ. 

1980 ರಿಂದ 1996 ರ ವರೆಗೆ ಸತತವಾಗಿ ನಾಲ್ಕು ಬಾರಿ ಆಯ್ಕೆಯಾಗಿದ್ದ ಡಿ ಕೆ ನಾಯ್ಕರ ಹಿಂದುಳಿದ ವರ್ಗದ ನಾಯಕರಾಗಿದ್ದರು. 1972 ರಿಂದ ಕಾಂಗ್ರೇಸ್ ಈ ಕ್ಷೇತ್ರವನ್ನು ಗೆಲ್ಲುತ್ತ ಬಂದಿತ್ತು. 1996 ರಲ್ಲಿ ಬಿಜೆಪಿ ವಶವಾದ ಈ ಕ್ಷೇತ್ರ, ಕಾಂಗ್ರೇಸ್ಸನ್ನು ಹೆಸರಿಲ್ಲದಂತೆ ಮಾಡಿದೆ. ಡಿ ಕೆ ನಾಯ್ಕರ ಬಳಿಕ, ಹಿಂದುಳಿದ ವರ್ಗವನ್ನು ಹೊರತು ಪಡಿಸಿ ಕಾಂಗ್ರೇಸ್ಸಿನಿಂದ ಸ್ಪರ್ಧಿಸಿದ್ದವರು ಈ ಕ್ಷೇತ್ರದಲ್ಲಿ ಸೋಲು ಕಂಡಿದ್ದಾರೆ.

Author: Karnataka Files