ನಬಾರ್ಡನಿಂದ ಈ ಸಲ ರೈತರಿಗೆ ಶೇಕಡಾ 50 ರಷ್ಟು ಸಹ ಸಾಲ ನೀಡಿಲ್ಲ / ಸಿದ್ದರಾಮಯ್ಯ

ರಾಜ್ಯದ ರೈತರಿಗೆ ನಬಾರ್ಡನಿಂದ ಕೃಷಿ ವ್ಯವಸಾಯಕ್ಕೆ ಸಾಲ ಸಿಗುತ್ತಿಲ್ಲ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ತಿಳಿಸಿದ್ದಾರೆ.

ನಬಾರ್ಡ್‌ ವತಿಯಿಂದ ಕಳೆದ ವರ್ಷ ₹5,600 ಕೋಟಿ ಸಾಲ ರಾಜ್ಯಕ್ಕೆ ನೀಡಲಾಯಿತು. ಈ ವರ್ಷ ಅದು ಕೇವಲ ₹2,340 ಕೋಟಿ ಮಾತ್ರ ಸಾಲ ನೀಡಿದ್ದಾರೆ ಎಂದು ಮುಖ್ಯಮಂತ್ರಿಗಳು ಆಕ್ರೋಶ ಹೊರಹಾಕಿದ್ದಾರೆ. 

ಈ ವರ್ಷದ ಸಾಲದ ಅಂಶ 58% ರಷ್ಟು ಕಡಿಮೆ ಇದೆ. ಇದು ಅನ್ಯಾಯವಲ್ಲವೇ? ಎಂದು ಕೇಂದ್ರ ಸರ್ಕಾರವನ್ನು ಸಿದ್ದರಾಮಯ್ಯ ಪ್ರಶ್ನಿಸಿದ್ದಾರೆ. 

ಕುಮಾರಸ್ವಾಮಿ, ಪ್ರಲ್ಲಾದ ಜೋಶಿಯವರಿಗೂ ಮನವಿ ಮಾಡಿರುವ ಸಿದ್ದರಾಮಯ್ಯ, ರೈತರಿಗೆ ಅನ್ಯಾಯ ಮಾಡಬೇಡಿ ಎಂದಿದ್ದಾರೆ.

ಇದು ದ್ರೋಹದ ಕೆಲಸ ಎಂದಿರುವ ಅವರು ಪ್ರಧಾನಮಂತ್ರಿ ನರೇಂದ್ರ ಮೋದಿಯವರಿಗೂ ಹಾಗೂ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮ ಅವರಿಗೂ ಪತ್ರ ಬರೆದಿದ್ದೇನೆ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಎಕ್ಸ್ ಮೂಲಕ ತಿಳಿಸಿದ್ದಾರೆ

Author: Karnataka Files