ಬಿಜೆಪಿಗೆ ಶ್ರೀಕಾಂತ ಪೂಜಾರಿ ಪ್ರಕರಣ ಬಂಡವಾಳ, ಬಿಜೆಪಿಯವರು ಬಂಡತನ ಬಿಡಲಿ / ಶೆಟ್ಟರ

ಧಾರ್ಮಿಕ, ಭಾವನಾತ್ಮಕ ವಿಚಾರಗಳನ್ನು ಮುಂದಿಟ್ಟುಕೊಂಡು ಬಿಜೆಪಿ ರಾಜಕೀಯ ಮಾಡುತ್ತಿದ್ದು, ಶ್ರೀಕಾಂತ ಪೂಜಾರಿ ಪ್ರಕರಣ ಬಿಜೆಪಿಗೆ ಬಂಡವಾಳವಾಗಿದೆ. ಆತನ ಹೆಸರು ಬಳಕೆ ಮಾಡಿಕೊಂಡು ಲೋಕಸಭಾ ಚುನಾವಣೆಯಲ್ಲಿ ಲಾಭ ಮಾಡಿಕೊಳ್ಳಲು ಮುಂದಾಗಿದೆ ಎಂದು ಮಾಜಿ ಮುಖ್ಯಮಂತ್ರಿ ಜಗದೀಶ್ ಶೆಟ್ಟರ ತಿಳಿಸಿದ್ದಾರೆ.

ಹುಬ್ಬಳ್ಳಿಯಲ್ಲಿ ಮಾತನಾಡಿಡ ಅವರು ಶ್ರೀಕಾಂತ ಪೂಜಾರಿ ಪ್ರಕರಣದ ಹಿಂದೆ ಕೇಂದ್ರ ಸಚಿವ ಪ್ರಲ್ಲಾದ ಜೋಶಿ ಕೈವಾದವಿದೆ ಎಂದು ಆರೋಪಿಸಿದರು. ಜೋಶಿಯವರ ಮೇಲೆ ಮೊದಲ ಬಾರಿಗೆ ವಾಗ್ದಾಳಿ ನಡೆಸಿದ ಅವರು ಈ ಹಿಂದೆ ನಾನು ಮುಖ್ಯಮಂತ್ರಿಯಾಗಿದ್ದ ಸಂದರ್ಭದಲ್ಲಿ ಕರಸೇವಕರ ಮೇಲಿನ ಪ್ರಕರಣಗಳನ್ನು ಹಿಂಪಡೆಯಲು ಪ್ರಾಮಾಣಿಕ ಪ್ರಯತ್ನ ಮಾಡಿದ್ದೇನೆ ಎಂದರು. ಬಿಜೆಪಿ ಈ ಹಿಂದೆ 8 ವರ್ಷಗಳ ಕಾಲ ಅಧಿಕಾರದಲ್ಲಿತ್ತು. ಆಗ ಬಿಜೆಪಿ ಯಾಕೆ ಸುಮ್ಮನಿತ್ತು ಎಂದು ಪ್ರಶ್ನಿಸಿದರು. 

Author: Karnataka Files